Avqust (Avqust trilogiyasının ikinci romanı)

“Avqust” eyniadlı trilogiyanın ikinci romanıdır. Əsərin baş qəhrəmanı Avqust xəyalpərəst və avantüristdir. Lakin təbiət ona insanların etimadını qazanmaq kimi qeyri-adi bir istedad verib. Buna görə də onun düşüncəsiz addımları ünsiyyətdə olduğu insanları çox da qayğılandırmır. Hər kəsin gözündə bir xilaskar obrazında canlanan Avqust qeyri-adi macəraları ilə oxucunu heyrətləndirir. O, müasir dövrün parlaq nümayəndəsidir. Çox yerlər gəzib, çox şeylər görüb, meşə salmanın, tütün yetişdirmənin, sıfırdan fabrik qurmanın, bankın əsasını qoymanın üsullarını bilir. Yorulmaz optimist və “novator”dur. Bu cür qəribə, içində “motor” olan adamlarsız həyat doğrudan da maraqsız olardı. Lakin onun əməlləri ətrafdakı insanlar üçün anlaşılmazdır.