Azərbaycan dili və nitq mədəniyyəti

Ümumtəhsil və ali məktəblərin bakalavr təhsil pilləsi üçün nəzərdə tutulmuş “Azərbaycan dili və nitq mədəniyyəti” adlı bu dərslik dövlətçiliyimizin aparıcı atributlarından olan Azərbaycan dili və nitq mədəniyyətinin qovuşuğu şəklində işlənmişdir, bütün qrammatik qaydalar praktik Azərbaycan dilinə, düzgün, dəqiq, yığcam və gözəl nitqə yiyələnməyi qarşıya məqsəd qoyur. Müasir Azərbaycan dilinin fonetik, leksik, qrammatik və üslubi normaları nitq mədəniyyətinin problemləri ilə əlaqələndirilmiş, hər mövzuya aid verilən suallar, linqvistik təhlilə cəlb olunmuş çalışma və tapşırıqlar bölmələrin mənimsənilməsinə xidmət etməklə şagird və tələbələrin praktik nitq fəaliyyəti üçün nümunə rolu oynayır. Dərslikdə dil normalarının məcmusu kimi işlənmiş mövzular interaktiv metodun tələblərinə uyğun ardıcıllıqla şagird və tələbə gənclərin ünsiyyət zamanı öz düşüncələrini, gördüklərini, eşitdiklərini və oxuduqlarını səlis və rəvan dillə həmsöhbətinə çatdıra bilmək bacarığının formalaşmasına kömək göstərəcəyi nəzərdə tutulur.