Nəfəs

Bir cildin altında beş kitab. Kitablar kitabı. Ramiz Rövşənin bu bircildliyi sözlərdən hörülmüş evə bənzəyir. Bir damın altında beş otaq. Əsərləri dünyanın bir çox ölkələrində çap edilmiş, ingilis, fransız, alman, ispan, polyak, bolqar, rus, Ukrayna və s. dillərə tərcümə olunmuş şairin bu bircildliyi ana dilimizdə işıq üzü görən ən irihəcmli kitabıdır. İnanırıq ki, bir çox şeirləri dillər əzbəri olan bu kitabın ilk dəfə müəllifin imzası ilə çap edilən bu yeni, nəfis nəşri həm şairin köhnə oxucularını sevindirəcək, həm də ona yeni-yeni oxucular qazandıracaq.