İstənilən şəxslə, istənilən vaxt, istənilən yerdə necə danışmaq olar: Yaxşı ünsiyyətin sirləri

İstənilən şəxslə, istənilən vaxt, istənilən yerdə necə danışmalı? Hamımızı düşündürən sualdır. Yaxşı danışmağın sirləri doğrudan da bu üç istiqamətdən keçir. Kitab ünsiyyətin sirlərini hər üç kateqoriya üzrə ustalıqla açır. Üstəlik, mövzular bununla bitmir: utancaqlığı aradan qaldırmaq, iş görüşmələrinin açarı, ən yaxşı dialoqlar, insana xas səkkiz ortaq xüsusiyyət və daha nələr, nələr... Kitabın uğurunu şərtləndirən əsas amil müəlliflə bağlıdır. O, televiziya və radio aparıcısı kimi CNN-də canlı proqram yayımlayır. 40 min nəfərdən artıq məşhur adam haqqında reportaj hazırlayıb. ABŞ-ın ən yaxşı reportaj müxbiri və aparıcısı sayılır. Ədəbiyyat, insan və cəmiyyət mövzularında ciddi əsərlər müəllifidir.